第一：雙品（《法句經》, Dhammapada, YAMAKAVAGGO, 白話文版, 敬法比丘譯, 第二修訂版 2015）

《法句經》目錄 , 白話文版, 敬法比丘譯

第一：雙品

1 Manopubbaṅgamā dhammā, manoseṭṭhā manomayā;

Manasā ce paduṭṭhena, bhāsati vā karoti vā;

Tato naṃ dukkhamanveti, cakkaṃva vahato padaṃ.

諸法以意為前導，以意為主由意造。 [CFFn01-01]

若人透過污染意，他或說話或造作，

從此痛苦跟隨他，如輪隨拉車（牛）之足。
2 Manopubbaṅgamā dhammā, manoseṭṭhā manomayā;

Manasā ce pasannena, bhāsati vā karoti vā;

Tato naṃ sukhamanveti, chāyāva anapāyinī [anupāyinī (ka.)].

諸法以意為前導，以意為主由意造。

若人透過清淨意，他或說話或造作，

從此快樂跟隨他，猶如影子不離身。
3 Akkocchi maṃ avadhi maṃ, ajini [ajinī (?)] maṃ ahāsi me;

Ye ca taṃ upanayhanti, veraṃ tesaṃ na sammati.

「他辱罵我毆打我，他擊敗我掠奪我。」

若人心懷此想法，他們之恨不會止。
4. Akkocchi maṃ avadhi maṃ, ajini maṃ ahāsi me;

Ye ca taṃ nupanayhanti, veraṃ tesūpasammati.

「他辱罵我毆打我，他擊敗我掠奪我。」

若人不懷此想法，他們之恨會止息。
5 Na hi verena verāni, sammantīdha kudācanaṃ;

Averena ca sammanti, esa dhammo sanantano.

於這世上確如此，以恨止恨不曾有，

唯有無恨能止恨，這是永恆的真理。
6 Pare ca na vijānanti, mayamettha yamāmase;

Ye ca tattha vijānanti, tato sammanti medhagā.

但是他人不知道：「於此我們將滅亡。」 [CFFn01-02]

知道這點的人們，爭論因此得止息。
7 Subhānupassiṃ viharantaṃ, indriyesu asaṃvutaṃ;

Bhojanamhi cāmattaññuṃ, kusītaṃ hīnavīriyaṃ;

Taṃ ve pasahati māro, vāto rukkhaṃva dubbalaṃ.

住於觀淨美，諸根沒克制，

於食不知足，怠惰不精進，

魔王制伏他，如風吹弱樹。
8 Asubhānupassiṃ viharantaṃ, indriyesu susaṃvutaṃ;

Bhojanamhi ca mattaññuṃ, saddhaṃ āraddhavīriyaṃ;

Taṃ ve nappasahati māro, vāto selaṃva pabbataṃ.

住於觀不淨，諸根善克制，

於食且知足，具信且精進，

魔無法制他，如風吹石山。
9 Anikkasāvo kāsāvaṃ, yo vatthaṃ paridahissati;

Apeto damasaccena, na so kāsāvamarahati.

該人還未除污染，但卻身上穿袈裟，

沒有自制不真實，穿著袈裟他不配。
10 Yo ca vantakasāvassa, sīlesu susamāhito;

Upeto damasaccena, sa ve kāsāvamarahati.

該人已經除污染 [CFFn01-03] ，善於持守其戒行，

具備自制與真實，的確他配穿袈裟。
11 Asāre sāramatino, sāre cāsāradassino;

Te sāraṃ nādhigacchanti, micchāsaṅkappagocarā.

思無內涵為有內涵，視有內涵為無內涵。

擁有此邪思惟的人，他們不能達到內涵。
12 Sārañca sārato ñatvā, asārañca asārato;

Te sāraṃ adhigacchanti, sammāsaṅkappagocarā.

知有內涵為有內涵，知無內涵為無內涵。

擁有此正思惟的人，他們能夠達到內涵。
13 Yathā agāraṃ ducchannaṃ, vuṭṭhī samativijjhati;

Evaṃ abhāvitaṃ cittaṃ, rāgo samativijjhati.

就像雨可以滲透蓋得不好的屋子，

貪欲亦可滲透尚未受到培育的心。
14 Yathā agāraṃ suchannaṃ, vuṭṭhī na samativijjhati;

Evaṃ subhāvitaṃ cittaṃ, rāgo na samativijjhati.

就像雨不能滲透蓋得很好的屋子，

貪欲亦滲不透已被良好培育的心。 [CFFn01-04]
15 Idha socati pecca socati, pāpakārī ubhayattha socati;

So socati so vihaññati, disvā kammakiliṭṭhamattano.

此世他悲哀，來世他悲哀，

造惡者於兩處都是悲哀。

見到自己污穢的行為後，

他感到悲哀，他感到苦惱。
16 Idha modati pecca modati, katapuñño ubhayattha modati;

So modati so pamodati, disvā kammavisuddhimattano.

此世他喜悅，來世他喜悅，

行善者於兩處都是喜悅。

見到自己清淨的行為後，

他感到喜悅，非常的喜悅。
17 Idha tappati pecca tappati, pāpakārī [pāpakāri (?)] ubhayattha tappati;

‘‘Pāpaṃ me kata’’nti tappati, bhiyyo [bhīyo (sī.)] tappati duggatiṃ gato.

此世他受苦，來世他受苦，

造惡者在兩處都遭受痛苦。

想到「我造了惡」時他痛苦。

去到惡趣時，他更加痛苦。
18 Idha nandati pecca nandati, katapuñño ubhayattha nandati;

‘‘Puññaṃ me kata’’nti nandati, bhiyyo nandati suggatiṃ gato.

此世他快樂，來世他快樂，

行善者在兩處都感到快樂。

想到「我造了福」時他快樂。

去到善趣時，他更加快樂。
19 Bahumpi ce saṃhita [sahitaṃ (sī. syā. kaṃ. pī.)] bhāsamāno, na takkaro hoti naro pamatto;

Gopova gāvo gaṇayaṃ paresaṃ, na bhāgavā sāmaññassa hoti.

即使背誦許多經，放逸者不實行它，

猶如牧者數他牛，沒得分享沙門份。
20 Appampi ce saṃhita bhāsamāno, dhammassa hoti [hotī (sī. pī.)] anudhammacārī;

Rāgañca dosañca pahāya mohaṃ, sammappajāno suvimuttacitto;

Anupādiyāno idha vā huraṃ vā, sa bhāgavā sāmaññassa hoti.

即使背誦少許經，依法之人依法行，

捨棄了貪和瞋痴，具備正知心全解，

今生來世不執著，他得分享沙門份。 [CFFn01-05]