第廿四：貪愛品（《法句經》, Dhammapada, Taṇhāvaggo, 白話文版, 敬法 比丘 譯, 第二修訂版 2015）

貪愛品 　Taṇhāvaggo

• 334 Manujassa pamattacārino, taṇhā vaḍḍhati māluvā viya;

  So plavatī [plavati (sī. pī.), palavetī (ka.), uplavati (?)] hurā huraṃ, phalamicchaṃva vanasmi vānaro.

  對於放逸過活的人，貪愛猶如蔓藤滋長。

  他一世又一世地跳，如林中想吃果之猴，
• 335 Yaṃ esā sahate jammī, taṇhā loke visattikā;

  Sokā tassa pavaḍḍhanti, abhivaṭṭhaṃva [abhivaḍḍhaṃva (syā.), abhivaṭṭaṃva (pī.), abhivuḍḍhaṃva (ka.)] bīraṇaṃ.

  被世間執著的卑劣貪愛征服的人，

  其愁猶如大雨後的鬚芒草般增長。
• 336 Yo cetaṃ sahate jammiṃ, taṇhaṃ loke duraccayaṃ;

  Sokā tamhā papatanti, udabinduva pokkharā.

  征服世間難克服的卑劣貪愛之人，

  其愁猶如水珠從荷葉上掉落消失。
• 337 Taṃ vo vadāmi bhaddaṃ vo, yāvantettha samāgatā;

  Taṇhāya mūlaṃ khaṇatha, usīratthova bīraṇaṃ;

  Mā vo naḷaṃva sotova, māro bhañji punappunaṃ.

  我跟你們說這個：願來此集會的你們好運。

  把貪愛之根挖掉，如要芬香根者挖鬚芒草。

  別讓魔折磨你們，猶如洪水一再沖擊蘆葦。

  
  
• 338 Yathāpi mūle anupaddave daḷhe, chinnopi rukkho punareva rūhati;

  Evampi taṇhānusaye anūhate, nibbattatī dukkhamidaṃ punappunaṃ.

  猶如根未受損而深固，被砍倒的樹還會生長，

  如是潛伏的貪愛未斷，此苦即會不斷地生起。
• 339 Yassa chattiṃsati sotā, manāpasavanā bhusā;

  Māhā [vāhā (sī. syā. pī.)] vahanti duddiṭṭhiṃ, saṅkappā rāganissitā.

  擁有奔向欲境的三十六道強（愛）流之人，

  擁有邪見的人被欲思惟沖走。
• 340 Savanti sabbadhi sotā, latā uppajja [ubbhijja (sī. syā. kaṃ. pī.)] tiṭṭhati;

  Tañca disvā lataṃ jātaṃ, mūlaṃ paññāya chindatha.

  （愛）流奔向一切方向；（愛）藤生出來後住立。

  見到該藤生起之後，你們應以慧斬其根。
• 341 Saritāni sinehitāni ca, somanassāni bhavanti jantuno;

  Te sātasitā sukhesino, te ve jātijarūpagā narā.

  流向（欲樂）及被貪愛滋潤，於眾生生起愉悅。

  那些依著欲樂追求快樂的人，必須遭受生與老。
• 342 Tasiṇāya purakkhatā pajā, parisappanti sasova bandhito [bādhito (bahūsu)];

  Saṃyojanasaṅgasattakā, dukkhamupenti punappunaṃ cirāya.

  被渴愛領導的人，如落網野兔驚慌。

  被結與執著緊綁，需長期一再受苦。
• 343 Tasiṇāya purakkhatā pajā, parisappanti sasova bandhito;

  Tasmā tasiṇaṃ vinodaye, ākaṅkhanta [bhikkhū ākaṅkhī (sī.), bhikkhu ākaṅkhaṃ (syā.)] virāgamattano.

  被渴愛領導的人，如落網野兔驚慌。

  故想讓己離欲者，他應該去除渴愛。

  
  
• 344 Yo nibbanatho vanādhimutto, vanamutto vanameva dhāvati;

  Taṃ puggalametha passatha, mutto bandhanameva dhāvati.

  
  

  捨離家林而樂於森林，解脫家林又跑回該林；

  你們來看看這個人吧，脫離後又跑回該束縛。

  
  
• 345 Na taṃ daḷhaṃ bandhanamāhu dhīrā, yadāyasaṃ dārujapabbajañca [dārūjaṃ babbajañca (sī. pī.)];

  Sārattarattā maṇikuṇḍalesu, puttesu dāresu ca yā apekkhā.
• 346 Etaṃ daḷhaṃ bandhanamāhu dhīrā, ohārinaṃ sithilaṃ duppamuñcaṃ;

  Etampi chetvāna paribbajanti, anapekkhino kāmasukhaṃ pahāya.

  
  

  由鐵、木與麻繩所造的束縛，賢者們不說它是堅固

  的束縛。對寶石、首飾（耳環）、兒女與妻子的渴望

  及樂於貪著，他們說這個才是堅固的束縛。它把人

  拖下（惡道），雖柔軟卻難以解除。賢者切斷它出家

  去，無欲無求斷除欲樂。

  
  
• 347 Ye rāgarattānupatanti sotaṃ, sayaṃkataṃ makkaṭakova jālaṃ;

  Etampi chetvāna vajanti dhīrā, anapekkhino sabbadukkhaṃ pahāya.

  
  

  追隨欲樂者墮回欲流，如蜘蛛回自己結的網。

  賢者們切斷它後離去，無欲無求斷除一切苦。

  
  
• 348 Muñca pure muñca pacchato, majjhe muñca bhavassa pāragū;

  Sabbattha vimuttamānaso, na punaṃ jātijaraṃ upehisi.

  
  

  放下過去放下未來、放下現在達到彼岸。

  心已經解脫了一切，你將不再經歷生老。

  
  
• 349 Vitakkamathitassa jantuno, tibbarāgassa subhānupassino;

  Bhiyyo taṇhā pavaḍḍhati, esa kho daḷhaṃ [esa gāḷhaṃ (ka.)] karoti bandhanaṃ.

  對於被（惡）念激盪、渴愛很強、觀看淨美的人，

  其貪愛不斷增長。他的確把此束縛做得堅固。
• 350 Vitakkūpasame ca [vitakkūpasameva (ka.)] yo rato, asubhaṃ bhāvayate sadā sato;

  Esa [eso (?)] kho byanti kāhiti, esa [eso (?)] checchati mārabandhanaṃ.

  樂於止息（惡）念、培育不淨、永遠正念的人，

  他的確能夠斷除它。此人將會斷除魔王的束縛。

  
  
• 351 Niṭṭhaṅgato asantāsī, vītataṇho anaṅgaṇo;

  Acchindi bhavasallāni, antimoyaṃ samussayo.

  已達目的無畏懼、無貪愛無染的人，

  已切斷生命之刺，這是他最後一身。
• 352 Vītataṇho anādāno, niruttipadakovido;

  Akkharānaṃ sannipātaṃ, jaññā pubbāparāni ca;

  Sa ve ‘‘antimasārīro, mahāpañño mahāpuriso’’ti vuccati.

  無貪愛且無執取、精通語法與詞句、

  知道文字的組合、與文字次第的人

  他的確可被稱為：最後身大慧大人。

  
  
• 353 Sabbābhibhū sabbavidūhamasmi, sabbesu dhammesu anūpalitto;

  Sabbañjaho taṇhakkhaye vimutto, sayaṃ abhiññāya kamuddiseyyaṃ.

  
  

  已征服一切，我是一切知，

  對於一切法，完全沒執著，

  捨棄了一切，滅愛而解脫，

  我自己親證，應稱誰為師？

  
  
• 354 Sabbadānaṃ dhammadānaṃ jināti, sabbarasaṃ dhammaraso jināti;

  Sabbaratiṃ dhammarati jināti, taṇhakkhayo sabbadukkhaṃ jināti.

  
  

  法施勝過一切施；法味勝過一切味；

  法樂勝過一切樂；愛毀戰勝一切苦。

  
  
• 355 Hananti bhogā dummedhaṃ, no ca pāragavesino;

  Bhogataṇhāya dummedho, hanti aññeva attanaṃ.

  
  

  財富毀滅智慧低劣者，但毀不了尋求彼岸者。

  愚人因貪財毀滅自己，如毀他人般毀了自己。

  
  
• 356 Tiṇadosāni khettāni, rāgadosā ayaṃ pajā;

  Tasmā hi vītarāgesu, dinnaṃ hoti mahapphalaṃ.

  雜草損壞了田地；貪欲損壞了眾生。

  因此施予離貪者，必將獲得大果報。
• 357 Tiṇadosāni khettāni, dosadosā ayaṃ pajā;

  Tasmā hi vītadosesu, dinnaṃ hoti mahapphalaṃ.

  雜草損壞了田地；瞋恨損壞了眾生。

  因此施予離瞋者，必將獲得大果報。
• 358 Tiṇadosāni khettāni, mohadosā ayaṃ pajā;

  Tasmā hi vītamohesu, dinnaṃ hoti mahapphalaṃ.

  雜草損壞了田地；愚痴損壞了眾生。

  因此施予離痴者，必將獲得大果報。
• 359 (Tiṇadosāni khettāni, icchādosā ayaṃ pajā;

  Tasmā hi vigaticchesu, dinnaṃ hoti mahapphalaṃ.) [( ) videsapotthakesu natthi, aṭṭhakathāyampi na dissati]

  Tiṇadosāni khettāni, taṇhādosā ayaṃ pajā;

  Tasmā hi vītataṇhesu, dinnaṃ hoti mahapphalaṃ.

  雜草損壞了田地；欲望損壞了眾生。

  因此施予離欲者，必將獲得大果報。

  
  

Taṇhāvaggo catuvīsatimo niṭṭhito.

貪愛品第廿四完畢

• 法句經 首頁
• Tipiṭaka 南傳大藏經; 巴利大藏經