第二十：道品（《法句經》, Dhammapada, Maggavaggo, 白話文版, 敬法 比丘 譯, 第二修訂版 2015）

道品 　Maggavaggo

• 273 Maggānaṭṭhaṅgiko seṭṭho, saccānaṃ caturo padā;

  Virāgo seṭṭho dhammānaṃ, dvipadānañca cakkhumā.

  諸道中八聖道最勝；諸諦中四聖諦最勝；

  於諸法中離欲最勝；二足中具眼者最勝。
• 274 Eseva [esova (sī. pī.)] maggo natthañño, dassanassa visuddhiyā;

  Etañhi tumhe paṭipajjatha, mārassetaṃ pamohanaṃ.

  導向知見清淨的，是此道而非他道。

  你們應實踐此道，它能令魔王迷惑。
• 275 Etañhi tumhe paṭipannā, dukkhassantaṃ karissatha;

  Akkhāto vo [akkhāto ve (sī. pī.)] mayā maggo, aññāya sallakantanaṃ [sallasanthanaṃ (sī. pī.), sallasatthanaṃ (syā.)].

  進入了這個道路，你們將能結束苦。

  親自以智切刺後，我對你們說此道。
• 276 Tumhehi kiccamātappaṃ, akkhātāro tathāgatā;

  Paṭipannā pamokkhanti, jhāyino mārabandhanā.

  你們必須自己努力，諸如來只是宣說者。

  已入此道的禪修者，能解脫魔王的束縛。

  
  
• 277 ‘‘Sabbe saṅkhārā aniccā’’ti, yadā paññāya passati;

  Atha nibbindati dukkhe, esa maggo visuddhiyā.

  
  

  諸行是無常，以慧 [CFFn20-01] 照見時，

  就會厭離苦。這是清淨道。

  
  
• 278 ‘‘Sabbe saṅkhārā dukkhā’’ti, yadā paññāya passati;

  Atha nibbindati dukkhe, esa maggo visuddhiyā.

  
  

  諸行皆是苦，以慧照見時，

  就會厭離苦。這是清淨道。

  
  
• 279 ‘‘Sabbe dhammā anattā’’ti, yadā paññāya passati;

  Atha nibbindati dukkhe, esa maggo visuddhiyā.

  
  

  諸法皆無我，以慧照見時，

  就會厭離苦。這是清淨道。

  
  
• 280 Uṭṭhānakālamhi anuṭṭhahāno, yuvā balī ālasiyaṃ upeto;

  Saṃsannasaṅkappamano [asampannasaṅkappamano (ka.)] kusīto, paññāya maggaṃ alaso na vindati.

  
  

  懶人當勤時不努力，雖年輕力壯卻怠惰，

  意志薄弱及心散亂，無法以慧體證道智。

  
  
• 281 Vācānurakkhī manasā susaṃvuto, kāyena ca nākusalaṃ kayirā [akusalaṃ na kayirā (sī. syā. kaṃ. pī.)];

  Ete tayo kammapathe visodhaye, ārādhaye maggamisippaveditaṃ.

  
  

  守護言語抑制心，亦不以身造不善；

  應清淨此三業道，贏獲賢者開顯道。

  
  
• 282 Yogā ve jāyatī [jāyate (katthaci)] bhūri, ayogā bhūrisaṅkhayo;

  Etaṃ dvedhāpathaṃ ñatvā, bhavāya vibhavāya ca;

  Tathāttānaṃ niveseyya, yathā bhūri pavaḍḍhati.

  
  

  智慧生於禪修中，無禪修智慧退失；

  知曉了這兩種道：導向提昇與退失，

  應當自己就實踐，以便智慧得增長。

  
  
• 283 Vanaṃ chindatha mā rukkhaṃ, vanato jāyate bhayaṃ;

  Chetvā vanañca vanathañca, nibbanā hotha bhikkhavo.

  砍掉欲林而非真樹；怖畏是從欲林生起。

  砍掉了欲林與欲叢，比丘們成為無欲林。
• 284 Yāva hi vanatho na chijjati, aṇumattopi narassa nārisu;

  Paṭibaddhamanova [paṭibandhamanova (ka.)] tāva so, vaccho khīrapakova [khīrapānova (pī.)] mātari.

  只要男對女的情欲，還有些少沒有斷除，

  其心還是受到束縛，如飲奶小牛不離母。

  
  
• 285 Ucchinda sinehamattano kumudaṃ sāradikaṃva [pāṇinā];

  Santimaggameva brūhaya, nibbānaṃ sugatena desitaṃ.

  
  

  且斷除自己的貪，如以手拔掉秋蓮。

  善逝已說示涅槃，且培育寂靜之道。

  
  
• 286 Idha vassaṃ vasissāmi, idha hemantagimhisu;

  Iti bālo vicinteti, antarāyaṃ na bujjhati.

  
  

  雨季我將住於此，冬季夏季也在此：

  愚人就是這樣想，卻不覺察有危險（即將死亡）。

  
  
• 287 Taṃ puttapasusammattaṃ, byāsattamanasaṃ naraṃ;

  Suttaṃ gāmaṃ mahoghova, maccu ādāya gacchati.

  
  

  寵愛孩子與家畜，其心執著於欲樂。

  死亡把他帶了走，如洪水沖走睡村。

  
  
• 288 Na santi puttā tāṇāya, na pitā nāpi bandhavā;

  Antakenādhipannassa, natthi ñātīsu tāṇatā.

  沒有兒子能給予保護，父親與親戚們也不能，

  對於被終結者制伏者，於親族中找不到保護。
• 289 Etamatthavasaṃ ñatvā, paṇḍito sīlasaṃvuto;

  Nibbānagamanaṃ maggaṃ, khippameva visodhaye.

  明白此事的力量，持守戒律的智者

  應當迅速清理好 導向涅槃的道路。

  
  

Maggavaggo vīsatimo niṭṭhito.

道品第二十完畢

注釋：

• 法句經 首頁
• Tipiṭaka 南傳大藏經; 巴利大藏經