第十：刑罰品（《法句經》, Dhammapada, Daṇḍavaggo, 白話文版, 敬法 比丘 譯, 第二修訂版 2015）

刑罰品 　Daṇḍavaggo

• 129 Sabbe tasanti daṇḍassa, sabbe bhāyanti maccuno;

  Attānaṃ upamaṃ katvā, na haneyya na ghātaye.

  
  

  一切眾生對刑罰顫抖，一切眾生都害怕死亡。

  推己及人後，人們不應親自或唆使他人殺生。

  
  
• 130 Sabbe tasanti daṇḍassa, sabbesaṃ jīvitaṃ piyaṃ;

  Attānaṃ upamaṃ katvā, na haneyya na ghātaye.

  
  

  一切眾生對刑罰顫抖，生命對一切眾生都可愛。

  推己及人後，人們不應親自或唆使他人殺生。

  
  
• 131 Sukhakāmāni bhūtāni, yo daṇḍena vihiṃsati;

  Attano sukhamesāno, pecca so na labhate sukhaṃ.

  對喜歡樂的眾生，若人以棍杖傷害，

  來為自己求快樂，來世他不得安樂。
• 132 Sukhakāmāni bhūtāni, yo daṇḍena na hiṃsati;

  Attano sukhamesāno, pecca so labhate sukhaṃ.

  對喜歡樂的眾生，若人不以杖傷害，

  來為自己求快樂，來世他得到安樂。

  
  
• 133 Māvoca pharusaṃ kañci, vuttā paṭivadeyyu taṃ [paṭivadeyyuṃ taṃ (ka.)];

  Dukkhā hi sārambhakathā, paṭidaṇḍā phuseyyu taṃ [phuseyyuṃ taṃ (ka.)].

  莫向任何人說粗惡語，受到辱罵者將會反駁。

  憤怒之言的確是痛苦，換來的只是你被痛打。（接）
• 134 Sace neresi attānaṃ, kaṃso upahato yathā;

  Esa pattosi nibbānaṃ, sārambho te na vijjati.

  若你能保持自己沉默，像破裂之鼓不再聲響，

  你就已經證悟了涅槃。於你再也找不到憤怒。

  
  
• 135 Yathā daṇḍena gopālo, gāvo pājeti gocaraṃ;

  Evaṃ jarā ca maccu ca, āyuṃ pājenti pāṇinaṃ.

  
  

  猶如牧牛人以棍棒驅趕牛群去牧場，

  如是老與死也在驅逐著眾生的壽命。

  
  
• 136 Atha pāpāni kammāni, karaṃ bālo na bujjhati;

  Sehi kammehi dummedho, aggidaḍḍhova tappati.

  
  

  造做惡業的時候，愚人不知其為惡，

  愚人因己業受苦，猶如被烈火焚燒。

  
  
• 137 Yo daṇḍena adaṇḍesu, appaduṭṭhesu dussati;

  Dasannamaññataraṃ ṭhānaṃ, khippameva nigacchati.

  若人以棍棒傷害無害、不應受到傷害的人，

  他會很快就遭受到十種事情之一：
• 138 Vedanaṃ pharusaṃ jāniṃ, sarīrassa ca bhedanaṃ [sarīrassa pabhedanaṃ (syā.)];

  Garukaṃ vāpi ābādhaṃ, cittakkhepañca [cittakkhepaṃ va (sī. syā. pī.)] pāpuṇe.
• 139 Rājato vā upasaggaṃ [upassaggaṃ (sī. pī.)], abbhakkhānañca [abbhakkhānaṃ va (sī. pī.)] dāruṇaṃ;

  Parikkhayañca [parikkhayaṃ va (sī. syā. pī.)] ñātīnaṃ, bhogānañca [bhogānaṃ va (sī. syā. pī.)] pabhaṅguraṃ [pabhaṅgunaṃ (ka.)].
• 140 Atha vāssa agārāni, aggi ḍahati [ḍayhati (ka.)] pāvako;

  Kāyassa bhedā duppañño, nirayaṃ sopapajjati [so upapajjati (sī. syā.)].

  
  

  138 他會遭受劇痛，或身體傷殘，或重病，或心失常，

  139 或遇王難，或被嚴重誣陷，或親人被滅，或破財，

  140 或其家被火燒毀。身體毀壞後，愚人將墮入地獄。

  
  
• 141 Na naggacariyā na jaṭā na paṅkā, nānāsakā thaṇḍilasāyikā vā;

  Rajojallaṃ ukkuṭikappadhānaṃ, sodhenti maccaṃ avitiṇṇakaṅkhaṃ.

  
  

  不是裸行，不是結髮，不是以泥塗身，不是睡在露

  天之下，不是以灰塵塗身，也不是蹲著勤修能夠清

  淨還未破除疑惑的人。

  
  
• 142 Alaṅkato cepi samaṃ careyya, santo danto niyato brahmacārī;

  Sabbesu bhūtesu nidhāya daṇḍaṃ, so brāhmaṇo so samaṇo sa bhikkhu.

  
  

  雖然莊嚴其身，若他平靜過活、

  寧靜且已調服、確定及行梵行、

  對於一切眾生，已放下了傷害，

  他就是婆羅門，是沙門是比丘。

  
  
• 143 Hirīnisedho puriso, koci lokasmi vijjati;

  Yo niddaṃ [nindaṃ (sī. pī.) saṃ. ni. 1.18] apabodheti [apabodhati (sī. syā. pī.)], asso bhadro kasāmiva.

  於世間很難找到，會羞於為惡的人，

  他避免令人指責，如良馬避免鞭打。
• 144 Asso yathā bhadro kasāniviṭṭho, ātāpino saṃvegino bhavātha;

  Saddhāya sīlena ca vīriyena ca, samādhinā dhammavinicchayena ca;

  Sampannavijjācaraṇā patissatā, jahissatha [pahassatha (sī. syā. pī.)] dukkhamidaṃ anappakaṃ.

  如良馬受到鞭策，你應勤奮及悚懼。

  以信以戒及精進，以定以及抉擇法、

  具足明行與正念，解脫這無量之苦。

  
  
• 145 Udakañhi nayanti nettikā, usukārā namayanti tejanaṃ;

  Dāruṃ namayanti tacchakā, attānaṃ damayanti subbatā.

  
  

  治水者疏導水流，矢師們矯正箭矢，

  木匠們修飾木材，善行者調服自己。

  
  

Daṇḍavaggo dasamo niṭṭhito.

懲罰品第十完畢

• 法句經 首頁
• Tipiṭaka 南傳大藏經; 巴利大藏經